Take Tōrangapū | Kei te kōti te kaitōrangapū a Darlene Tana ki te wero i tana pāti omua

Kei te hōhā ngā mema o Ngā Kākāriki ki tā rātau mema omua a Darlene Tana, i tana whakamātau i Te Kōti kia noho tonu ia ki te pāremata.

Koia ngā kōrero a te kaiārahi takirua o Ngā Kākāriki a Chlöe Swarbrick, i te whai a Tana kia whakamahia te ture hei kaupare i te pōti a Ngā Kākāriki ā te Rātapu ki te pana i a ia i te pāremata.

I te ata tonu nei ka kawe a Tana i te kēhi ki te kōti kia mana tana tū hei mema motuhake.

Hei tā Swarbrick, hoināno tēnā he taiapa hōu hei whakawhiti māna.

Kei te kimi hoki a Tana, kia arotakehia e te kōti ngā tukanga, me ngā mahi a Ngā Kākāriki, ā, mehemea he tōkeke ngā mahi ki a Tana kia whakatauhia e rātau me pana ia i te pāremata.

Engari hei tā Swarbrick ahakoa te hōhā, ka koke whakamua tonu.

RELATED NEWS

He aituā: Francie Winiata E rima paua anake ināeanei: Bayden Barber Huhana Lyndon | E tika ana kia puta a Darleen Tana i tōnā tūranga pāremata