Listen Now: 
August 28, 2024
Wāri Māori | Kei te hiahia tonu te Kaunihera o Ōtorohanga i tā rātau rohe pōti Māori
Kawe Roes
Posted On August 28, 2024
He āe katoa te whakautu a ngā tekau kaikaunihera o Ōtorohanga kia whakaāe kia mau tonu rātau i te rohe pōti Māori a Rangiātea.
Koia ngā kōrero a te koromatua o te rohe a Max Baxter whai mai i te pōti inanahi mehemea ka hinga, ka tū tonu rānei tēnei wāri Māori kei Te Rohe Pōtae o Ngāti Maniapoto.
I whakatauhia e te Kaunihera kia noho tonu te tokorua a Jamiee Tāmaki rāua ko Roy Willison hei kanohi mō ngā kaipōti kei te rārangi Māori.
Hei tā te koromatua tonu, kei te tino whakaae te nuinga o āna kaipōti i ngā painga kei te wāri Māori a Rangiātea arā ka rangona e te takiwā te reo a te iwi o Ngāti Maniapoto me ōna hapū maha.
Hei kupu whakamutunga māna, e mea ana ia kei te wehi ia ki te taurahere roa e noho tahi ai ngā iwi e rua o Te Rohe Pōtae.
Ā, ka whakapau kaha Te Kaunihera o Ōtorohanga ki te hāpai i tēnei tikanga hei painga ki ō rātou kainoho katoa.
