August 22, 2024

Aperahama Edwards | Tiakina ngā tohorā!

Te Raunatanga Whakaara Posted On August 22, 2024

Waatea Images

Te Raunatanga Whakaara Aperahama Edwards

Download Audio

Mā te whakamana i tētehi rautaki whai whakaaronui ki ngā tohorā e whakakotahi ai ngā mana whakahaere o Te Moana-nui-ā-Kiwa.

Ko He Whakaputanga Moana tētehi kawenata hōu e hāngai pū ana ki te oranga me te tiaki i ngā tupua nō te moana, ā, hei tā te Heamana o Ngāti Wai, kua hainatia e rātou i te kawenata nei hei tautoko i ngā kōrero o roto.

Hei tāna anō, kua huri te ao, he maha ake ngā pōti ki te moana ka taea te whakamate i ngā tohorā me te whakararu i tō rātou kāinga nā reira, he timatatanga pai te kawenata nei.

Hei tāna anō, ‘koia ko tinitini atu ngā kaipuke, kua rahi ake ngā kaipuke, kua hora atu ngā kaipuke. Torotoro haere ki ngā tohorā e kauhuri ana i te ara moana i roto i te Moana-nui-ā-Kiwa nei, puta atu ki te ao. Nā, koinā a Ngāti Wai e hiahia nei ki te hoki atu ki te tiaki i ngā tohorā, ki te whakamana anō hoki o tātou tikanga pēnā i te rāhui hei tiaki i ngā ara moana, i raro tonu i te rangatiratanga o ngā ariki o te Moana-nui-ā-Kiwa.’