August 02, 2024

Hilda Halkyard-Harawira | Ko koutou kei tērā waka, ko Ngāi Māori ki tēnei waka

Te Raunatanga Whakaara Posted On August 2, 2024

Waatea Images

Te Raunatanga Whakaara Hilda Halkyard-Harawira

Download Audio

Hei aha ngā kōrero a te kāwanatanga me tā rātou whakapōrearea i a Ngāi Māori.

Koia ngā kōrero akiaki a te Kaikaunihera i te Wāri Māori i Ngā Tai o Tokerau a Hilda Harawira whai muri i te pāhi a te pire Wāri Māori e whakamana ai te hiahia a te kāwanatanga haumi kia pōtitake ngā wāri Māori o ngā rohe.

Hei tā Halkyard-Harawira, me whai kē a te kāwanantanga i tō rātou ake rautaki hei oranga mā rātou, hei aha te tohutohu mai ki a Ngāi Māori.

‘He mahi kore take o te kāwanatanga, tāku ki a rātou, haere ki te mahi o koutou ake mahi, whakaapai tēnei wāhi, whakatika ngā mea hei māmā ake te noho mō ngā kainoho o Aotearoa. Ko tērā tō rātou mahi, kāhore i te takahi i ngā mea mātāpono o Te Tiriti, ngā take Tiriti, ngā mahi tahi a ngā iwi me te kāwanatanga. Mā rātou e mahi tō rātou ake mahi hei pai.’