July 25, 2024

Orimipia | Mā te tikanga Māori e tau ai te noho a ō tātau kaipara ki Parī

Kawe Roes Posted On July 25, 2024

Kawe Roes Oriini Kaipara | Ko ā tātau tikanga ka mau tonu

Download Audio

Mā te tikanga Māori e tau ai te noho a ō tātau kaipara ki Wiwi, e kāinga anō ai tā rātou noho mō tōna kotahi marama.

Koia ngā kōrero a Oriini Kaipara, te pouwhiringa Māori o Te Whare o Pou Tangata, mō āna mahi ki Ngā Taumāhekeheke o Te Ao ki Parī i tēnei wiki.

Hei tāna tonu, he mea nui ki ā rātou o te whare o Pou Tangata kia mauritau te noho o ngā toa o Aotearoa ki reira.

“Te takahi whare, te whakawātea te waerea i te whare he mahi tērā ki te kāinga nē, kāore tātau e tomo i tētahi whare mehemea kāore tātau e whakaū i ā tātau tikanga e whakaū i te wairua, i te mauri ki roto kia tū marutau ai kia marutau ai te iwi ka kuhu atu ki reira nō reira koirā tētahi o ngā oha nui ā tō mātau tira ā-iti nei te takahi i ēnei whare e rua nei, āe, e rima ngā papa o ia whare.”