E whakatairanga ana te kaupapa o Taikura Kapa Haka i ngā mahi a Tānerore rāua ko Hine Te Rehia ki te hunga kaumātua o Aotearoa puta noa.
Koia ngā kōrero a te kaihautū o Te Papa Tongarewa a Arapata Hakiwai i mua i te tū anō o te kaupapa hei te Hātarei tonu ki te whare taonga.
Hei tā Hakiwai, he roa ake i te 20 tau nō te orokohanga mai a Taikura, nā e haere tonu ana ngā mahi hei whakakipakipa i te ngākau kapa haka o a tātou kaumātua.
Hei tāna anō, ‘ko te kaupapa mō tēni tau, e 24 ngā rōpū kei te haere mai nei mai i ngā hau e whā o te motu. Tērāpea 700, 600 ngā pakeke, kaumātua nei e tū ki te papatūwaewae, he 100 ngā kaiāwhina nō reira he nui te kaupapa, me te mea nei he whānau anō ko te haere mai ki te taha o ā tātou kaumātua pakeke.’
