May 21, 2024

Teanau Tuiono | Ko te aronga o Ngā Kākāriki ko te oranganui o te taiao me ngā tāngata katoa

Te Raunatanga Whakaara Posted On May 21, 2024

Waatea Images

Te Raunatanga Whakaara Teanau Tuiono

Download Audio

Ku toka ngā mātāpono anamata a Ngā Kākāriki i te kauhau a ngā kaiarahi takirua o te pāti a Marama Davidson rāua ko Chole Swarbrick.

Koia ngā kōrero a te Mema Pāremata i Ngā Kākāriki a Teanau Tuiono nō muri mai i te kauhau tuatahi o Momo o te Ao i tū ki Tāmaki Makaurau i te Hānarei.

Hei tā Tuiono, ko te oranganui o te ao otirā te tangata ngā aronga matua o Ngā Kākāriki.

‘Ko ngā aria i taua kauhau rā kia mōhio te katoa kei konei mātou Ngā Kākāriki tō mātou nei whāinga kia tiaki te taiao, tiaki te whenua, te moana, te wao, ērā āhuatanga katoa hēoi, kei tāū atu i tērā, kia tiaki tātou te tangata, kia noho te katoa ki tētahi whare haumaru, mahana, kia āhei te whānau katoa te rau atu te kai ki te tēpū, kia āhei te whakautu ngā rēti whare. Nō reira ngā mea e mōhiotia e te motu, anei anō ngā kaupapahere a Ngā Kākāriki.’