April 11, 2024

Take Kaikiri | Kei te hiakai te motu ki ako i ngā hītōria i waihanga ai te motu nei

Kawe Roes Posted On April 11, 2024

Kawe Roes Manawa Pōmare - He mea nui te ako i te hītori

Kei te kimi, kei te rapu tonu ngā kainoho o te motu i ngā hītōria, i ngā kōrero mō te waihanga o Aotearoa me te pupū ake o te kaikiri ki tēnei whenua.

Koia te whakahau a te māngai o Te Kāhui Tika Tāngata a Manawa Pōmare whai muri i te kōrero a te minita mō te ture a Paul Goldsmith me kaua e whakawhāiti te aronga o te mahere kaupare i te kaikiritanga ki ngā hītōri Māori anake. Hei tā Pōmare anō, kei te āwangawanga te Kāhui Tika Tāngata i te kōrero nei

“Ka mutu i roto i ō mātau mahi, ā, ka hiki tēnei kaupapa. I whakaputa i a mātau tētahi rīpoata ko te ingoa ko Ki Te Whai Ao Ki Te Ao Marama … i kōrero mātau ki ngā whānau Māori me ngā whānau o ngā Tāngata Tiriti. I mea rātau katoa he mea nui te ako i te hītōri o Aotearoa me te kōrero ki te kaikiri me te tāmitanga ki Aotearoa nei. Nō reira he raru nei tēnei ki a mātau.”