Ngā roto o Kai Iwi: He mātaki i ngā pōti katoa

Atu i te Paraire e tū mai nei, ka āta tirohia ngā pōti me ngā kōreti ki ngā roto o Kai Iwi i Te Tai Tokerau mō te tūpono e kawe ana rātou i ngā tuangi kōura, koia nei te riha rāwaho e raru ana i te awa o Waikato.

Kua kitea tuatahitia te tuangi kōura nei i te awa o Waikato e tata ana ki Karāpiro i te marama o Mei, ā, mai i taua wā kua hora whānui ia ki waenga i Mangakino me te Puaha o Waikato. Heoi, kua whakatakotohia e te Manatū Ahu Mātua tētehi rāhui ki runga i taua wāhanga o te awa, me te aha kāore e whakaāetia te nekehanga o ngā pōti kua rere ki taua wāhanga o te awa ki wai kē.

E ai ki te heamana o te Kaunihera ā-Rohe o Te Tai Tokerau, e ai ki a Geoff Crawford, kei te mahitahi te Kaunihera o Kaipara, te iwi o Te Roroa me te hapū o Te Kuihi ki te ārai i te uru atu o te riha kua kite nei i Waikato ki ngā roto o Kai Iwi.

RELATED NEWS

Te Whawhai i Ngā Mahi Taihara ki Tāmaki Matangurunguru a Davis ki tana hapū Te Riu O Waikato Housing Scheme