Listen Now: 
Kua piki ngā wai o ngā roto o Rotorua ki ngā taumata kāore i kitea mai i te tau 1972, ā, kāore he mimititanga e kitea ā ngā marama kei te heke mai.
Koia nei te kī a te kaiwhakahaere taiao me te tūāhanga o te Kaunihera o Ngā Roto o Rotorua, a Stavros Michael. Hei tāna, i ētehi wāhi o ngā roto o Rotorua, Rotomā, Rotoiti, Rerewhakaaitu, Ōkara, Okataina me Titikapu, kua taupunga ngā awapoti, ngā wāpu, ngā tuaone, me ngā wāhi puni anō hoki. Hei tā Michael anō, ahakoa e tuwhera tonu ana ngā roto, me tūpato te tangata kei raru ia i ngā mea kei te huna i raro i te wai.
Kei te whakatūpatohia hoki nga kaipōti me ngā kaikauhoe. E ai ki te āpiha mana moana o Toi Moana, a Roly Bagshaw, nā runga i te waipuketanga o ngā roto, kua kore pea e kitea ngā kārewa, ngā taiapa, me ngā tohu. Hei tānā, me āta haere ngā kaipōti, ngā kaikauhoe hoki kia kaua ai rātou e aituā.
RELATED NEWS
