Ka whakakorea e ngā kaki whero o te kāwanatanga hōu ngā tini kaupapa kei ora te tirohanga, te whakaaro Māori ki ngā mahi a te kāwanatanga mē ā rātou tari.
Koia ngā matakite a te mema o mua o Reipa a Dover Samules, hei tāna ki tō mātou hōtaka o Manako, ko ngā tini kaupapa kua whakatinanahia e ngā kāwanatanga i ngā tau, ka whakakorea, ka whakararua rānei.
E ai ki a Samuels anō, “kua tū te kaki whero ki te whakatū ki te whakahaere ā rātou kaupapa mō te mana e pā ana ki Te Tiriti engari karekau e pā ana ki Te Tirti anake me ngā kaupapa i whakatūngia ai me ētahi atu i ngā tau ki muri arā kia hōmai ai ngā tikanga Māori, me ngā tirohanga Māori mō ā tātou taiao wai kei te anga atu te rōpū kaki whero ki te whakakore i ērā tikanga me ērā tirohanga o te ao Māori.”
