Listen Now: 
Download AudioKo te kupu a te Taraipiunara o Waitangi ka takahia te Tiriti o Waitangi e te Ture Takutai Moana 2011 he tohu kei te haere tonu te pakanga ki te mana motuhake o te iwi Māori. Koia nei te kī a Reuben Taipari, nāna tētehi hīkoi ki Pāremata kia ātete i te ture i ārahi i te tau 2011.
E ai ki te Taraipiunara, ahakoa ka kōkiritia e te Ture Takutai Moana 2011 te mōtika o Ngāi Māori ki te rapu mana motuhake mō te takutai moana, kāore i te tika te takunga kia pērā.
Hei tā Taipari, “Me haere tonu te mahi nui, mahi roa mō tō tātou takutai moana, mō ngā mokopuna, me ngā uri tēnei … kāore i pai tēnei huarahi engari he huarahi tērā mā tātou kia ū tātou. I te wā o te pakanga, o te hīkoi takutai moana, i taua wā tae atu ki tēnei wā, he pakanga tonu. Ahakoa te aha, me pakanga ki te takutai, pakanga ki te kōti. He pakanga, engari he mahi rangatira.”
