Listen Now: 
Download AudioMā te ngahau, mā te kōrerorero e piki ake ai pea te wairua o te ao Māori i tēnei wā o te māharahara.
Koia nei te tūmanako o ngā kaiwhakaari tuaiwa e whai wāhi atu ki te whakaaturanga o M9 ka tū ā te 19 o Noema i Tāmaki Makaurau. Hei tā Ria Hall, kaiwhakahaere o te kaupapa nei, ko Ben Mitchell rātou ko Kura Forrester ko Miriama Smith ētahi o ngā kaiwhakaari e hiahia ana ki te ngahau, ki te hāpai i te wairua o ngā kaimātakitaki.
Hei tā Hall anō, “Ōku whakaaro, ko tā rātou tino hiahia ka taea katoa mai e rātou te whakahihiko, te whakatenatena i a tātou anō. Kei te mōhio koe, e hoa, ko ēnei rangi nei he uaua. He uaua te hora i te kai ki runga i te tēpū, he uaua te kimi mahi, te pupuri i taua mahi rā mā tēnei kaupapa ka hoki mai pea te pai i roto i ngā mahi, ahakoa he aha te mahi.”
Ā te 19 o Noema tū ai te whakaatu i Tāmaki Makaurau.
