He nui rawa te rohe pōti Māori o Ikaroa-Rāwhiti: Fox

Waatea Team Marama Fox

Download Audio

He nui rawa te rohe pōti Māori o Ikaroa-Rāwhiti, tē taea e tōna mema Pāremata kotahi te tutuki pai i ngā mahi katoa.

Koia nei te kī a Marama Fox, mema Pāremata rārangi o mua mō te Pāti Māori, ā, kainoho i te rohe o Ikaroa-Rawhiti, ki te tāone o Whakaoriori (Masterton).

Ka hora te rohe pōti i Wharekahika i Te Tai Rāwhiti ki Pōneke, tōna 600 kiromita te roa. E ai ki a Fox, he uaua te karapetapeta o te kaitōrāngapū ki wīwī, ki wāwā, ā, ka pōhēhē ngā kaipōti Māori kāore rātou e kitea e tā rātou mema Pāremata.

Hei tāna, “He uaua rawa mō te mema Pāremata te tae atu ki ia o ngā tāone, ia o ngā tangi, ia o ngā take o taua rohe. Kua hipa kē te wā kia rapu i tētahi ake huarahi pai ake mō ngā mema Māori e noho ana i ngā tūru Māori.”

RELATED NEWS

Mē tau ngā kaipuke ki hea? He nui te āwangawanga ki Te Tai Rāwhiti He matapihi ki ngā rā o ngā tūpuna