Ko te tautohetohe kaupapa Māori he kai mā te rangatahi

He nui ngā kai mā te hinengaro i te tautohetohe kaupapa Māori i tū i Te Reo Tātaki inapō.

Koia nei te kī a tētehi rangatahi, a Te Tuhiwhakaura o te Rangi Wallace-Ihakara, he kaimātakitaki ia i te taiwhanga e whakarongo ana ki a Willie Jackson nō Reipa rātou ko Tama Potaka nō Nāhinara, ko Karen Chhour nō ACT, ko Marama Davidson nō Ngā Kākāriki, ko John Tamihere nō Te Pāti Māori, ko Shane Jones nō Aotearoa Tuatahi.

Ko ngā tairaru whiwhi whare, ko ngā kura kaupapa, ko te utu o te noho anō hoki ētehi o ngā kaupapa kua tautohetohea.

E ai ki a Wallace-Ihakara, “Kei reira hoki taua kōrero, ko te kai a te rangatira he kōrero. Nui ngā kōrero i puta mai, te reka hoki o te kai, ā, he hākari te nui o te kai, ā, ka tika ētahi kāore i tino tōminatia e au te rongo, heoi koirā te tūāhuatanga o te tautohe.”

Mātakitakihia te tautohetohe ki te pae tukutuku a Te Reo Tātaki.

RELATED NEWS

Mē tau ngā kaipuke ki hea? He nui te āwangawanga ki Te Tai Rāwhiti He matapihi ki ngā rā o ngā tūpuna