He hui mō te gold clam ka tū ki Rotorua

Waatea Team Haimona Te Nahu

Download Audio

Me pēwhea te ārai i te horapa o te gold clam ki te roto o Ōkataina? Koia nei te kaupapa o tētehi hui tūmatanui ka tū ki te hōtera Millenium i Rotorua ā te pō nei, ārā Wenerei te 27 o Hepetema.

I te marama o Mei, i te awa o Waikato, kitea tuatahitia ai te kīrearea nei. E ai ki te kaiwhakahaere taiao o te Tarahiti o Ngā Roto o Te Arawa, e ai ki a Haimona Te Nahu, e hiahia ana te iwi kaitiaki o Ōkataina, a Ngāti Tarāwhai, kia aukatia te roto kia āraitia ai te whakanekeneke o te clam i reira. Mā te tarahiti me Haumaru Koiora Aotearoa arā Biosecurity New Zealand te hui ā te pō nei e whakahaere, ā, ko tana whāinga kia whakarite i te ara whakamua.

Heoi hei tā Te Nahu anō, ka pā te kaupapa nei ki ngā roto katoa o te rohe. “Heoi anō, i tēnei wā ko Ngāti Tarāwhai ko Ōkataina noa iho e karangahia ana i tēnei momo aukati, heoi anō mehemea he hiahia tō ētahi atu hapū, ētehi atu iwi [ki te aukati i ō rātou wai] ko tā mātou he tautoko i a rātou.”

Ā te haurua mai i te rima karaka tīmata ai te hui. Ka pāhotia mataoratia te hui i te whārangi Pukamata a Te Tarahiti o Ngā Roto o Te Arawa.

RELATED NEWS

Whanaungatanga ki waenganui i Te Ūpoko me Te Ātiawa Toa FM Haramai nei te ahua ō te inanga Big Lotto wins for Waikato