Kua whakamana te heamana hōu o Te Nehenehenui i Maniapoto

Kua tohua e ngā kaitiaki hōu o te poari o Te Nehenehenui i Ngāti Maniapoto i tā rātou heanama, heamana tuarua anō hoki.

Koia te kōrero a Peter Douglas o Ngāti Uekaha, whai muri i te hui tuatahi a ngā kaitiaki poari nei ki Te Kūiti, hei tāna tonu, nōna te maringanui i whakaae mai ngā kaitiaki hōu kia tū ia hei heamana ki ā rātou, otirā te iwi.

Hei tā Douglas ko te aronga nui ināianei ki ā rātou ko te whakatinana i te rautaki a te iwi o Ngāti Maniapto e kī ana ko Te Kāwau Rukuroa.

Tāpiri ki tēnā ka riro mā Bella Takiari-Brame o Ngāti Apakura e kapi i te tūranga a te heamana tuarua ki te poari o Te Nehenehenui.

Hei tā rāua tahi, e toru tau kei mua i tā rāua aroaro hei whakatinana i ētahi o ngā hiahia o te iwi nei a Ngāti Maniapoto.

RELATED NEWS

Kua aruaru te ratonga hiko Kua hinga tetahi o nga kuia o Whanganui Kia mutu rā tā mātou whawhai hai ōranga mō ā mātou tamariki mokopuna