Listen Now: 
September 22, 2023
Tā Patu Hōhepa – Kua riro te pūkōrero, te mātanga mātauranga o Te Tai Tokerau ki te pō
Waatea Team
Posted On September 22, 2023
Kua hinga te tōtara haemata o Te Tai Tokerau, te ripo kau e kitea o Waimā, te mātanga mātauranga o Te Māhurehure a Tā Patu Hōhepa e waru tekau mā whitu tōna kaumātuatanga.
Nā tōna whāmare te pānui i whakaputa ai mā te pukamata i te ata tonu nei, hei tā te pānui i hinga a Tā Patu, i te āiotanga o tōna kainga, ā, kua huri te waka o tō rātou pāpā ki Hawaikinui.
Nā Tā Patu Hōhepa te rīpoata i puta hei whakatū i Te Taraipuna o Waitangi i ngā tau waru tekau, i noho hoki ia hei kaikomihana i Te Taurawhiri i te reo Māori mō ngā tau 10.
Nō ngā tau tata nei i pākia ia e te mate wareware, engari e kore e ware te ao Māori i ōna mahi rongonui hei painga mō te Māori mā tāna whakamana i Te Tiriti o Waitangi ki roto i ngā mahi a te karauna me te kāwanatanga.
Hei te rangi nei ka kawea e tōna whāmere i a ia ki te marae o Otātara takoto ai. E te puna o te kī, e te puna mātauranga o Te Mahurehure, haere e okioki atu rā.
RELATED NEWS
