Listen Now: 
September 21, 2023
E te karauna kāti te takaroa kua tata 10 tau mātou o Ngāi Te Rangi e tatari ana
Pohaturoa Waenga
Posted On September 21, 2023
Download AudioI ngā rangi tata nei I puta atu ngā uri o Ngai Te Rangi ki ngā huarahi o Tauranga kia porotēhi ki te karauna i te takaroa o tō rātou whakatau i ngā take keremē.
E ai ki a Charlie Tawhiao, Kaiwhakahaere matua i te ‘Rūnanga o Ngāi Te Rangi’ kua roa mātou e whanga ana ki te whakautu ā te karauna kia ea ai ēnei take kereme, kua tae ki te wā kia tahuri mai ai te karauna ki ngā hara nui nā rātou nō ngā rautau kua hōri.
“He porotēhi ki te karauna tēnei ehara i te raru i waenga i ngā iwi ….me kī pēnei roa ana mātou e tatari ana kia tau ai tō tātou kereme ko tērā kereme i tohungia e te iwi i to mātou whakaaetanga whakataunga ‘the deed of settlement’ tēnā i te tau rua mano tekau mā toru tata atu ki te tekau tau kāore anō kia whakarite ai i te karauna.
Ko te take ki a mātou nā te karauna i takahī i te mana o ngā iwi o Tauranga Moana ko Ngai Te Rangi tērā ko Ngāti Ranginui tērā Ko Ngāti Pūkenga ki Tauranga tērā”.
