I ā mātou e whakanui ana i a Mahuru Māori, me te wiki o te reo Māori kua taha ake nei, i whakaaro ake mātou o ‘Manako’ kia whakahaerehia tetahi wahanga e pai ai tā mātou tutakitaki ki a mātou kaitōrangapū kōrero Māori o te motu, te ao i tupu ai rātou, tā rātou ara reo Māori, otirā, te tū o te reo ki ā rātou pāti.

E ai ki te Kaitono i te Pāti Kākāriki mō te tūru o Te Taitokerau, e ai ki a Huhana Lyndon nōnā i tipu ake ko te reo māori i rere kaha i tōna hapori i tōna whānau nō tērā wā ā mohoa noa nei, me tana mihi nui ki ngā whanaunga nō iwi kē nō mita kē o te motu i whakawhānui ake i tōna anō kete reo māori.

“Me taku mihi anō ki ngā reo o runga itemea i tupu i te kāinga nei te reo o Ngāpuhi te reo o Ngāti Hine e tino rerekē ki ngā mita o ia iwi, i haere ahau ki te kāreti o Naenae i Te Awakairangi ka tūtaji ahau ki ētahi o ngā whanaunga o Ngāti Porou tino rerekē taua reo nō reira he mea pai tērā ki ahau kia rongo kia mātau ahau kia rangona i tētahi atu reo rerekē ki te mita o Ngāpuhi nō reira koia taku huarahi me kī ka kōrero tonu ahau te reo māori ki waku tamāhine kia whakakāinga te reo.”