September 18, 2023

He pakipoto mā ngā pakeke

Kawe Roes Posted On September 18, 2023

Kawe Roes AM1.mp3

Nā te torutoru o ngā pakiwaitara poto e tuhia ana ki te reo Māori, i puta ai te hiahia a tētahi kaituhi o Tainui waka, kia waihanga i tētahi rauemi e karo ai taua raru.

Koia te kōrero a Atakohu Middleton i a ia e noho ana ki te whare kaituhi o Michael King i te Raki Paewhenua o Tāmaki Makaurau. Nānā tētahi karahipi i wikitoria kia rua wiki tana noho ki te whare hirahira rā.

Hei tā Middleton, nā te iti hoki o ngā pakiwaitara mā ngā hunga pakeke, i hiki ai ia te mānuka nei i a ia.

“He ruarua noa iho ngā pakipoto i tuhia ki te reo Māori, he nui ngā pukapuka reo Māori mā ngā tamariki, he nui ngā pukapuka kua whakamāoritia e te kaupapa Kotahi Tau Pukapuka heoi i waenganui he iti. Nō reira ko taku hiahia kia whakakī i te ā-puta nei. Kua tāia āku pakipoto e Huia nā runga anō i tana whakataetae pakipoto a Pikihuia, e Te Pērehi o Waipapa Taumata Rau, e Penguin Random House Aotearoa anō hoki.”