Toitū te Kīngitanga, Toitū te Whare Wānanga o Waikato, hai ā rua rā ā te 14 o Hepetema ka tū te rā whakanui i te Kīngitanga ki te Whare Wānanga o Waikato.
Hai tā Tākuta Sarah Jane Tiakiwai, Tumuaki Māori tuarua i te Wānanga o Waikato he rā tērā hai whakamana hai whakamaumahara hai whakanui hoki i te hononga o Te Wānanga o Waikato me te Kīngitanga.
” I te tau 1995 i te wā o Te Arikinui Te Atairangikaahu i whakahokia e te karauna te whenua o te whare wānanga nei ki te iwi i raro i te mana o te Kīngi tuatahi arā ko Potatau Te Wherowhero tērā tae noa ki tēnei wā i tīmata te kaupapa o te rā o te Kīngitanga i raro i te mana o Kīngi Tūheitia Pōtatau Te Wherowhero te tuawhitu kia maumahara i aua hononga katoa”.
