Ka rere te ahurei Kupu i Rotorua

Waatea Team Rangitihi Pene

Download Audio

Ko te whakanui o ngā kaituhi Māori o nāianei, ko te akiaki o ngā kaituhi o āpōpō te whāinga o te ahurei a Kupu ka tū mō te wā tuarua ā tērā marama.

Koia nei te kī a te heamana o Kupu, a Rangitihi Pene. Hei tāna, ka whakarauikahia ngā kaituhi o te motu ki ngā marae me te whare pukapuka o te taone kia matapaki i ā rātou mahi. Ko Tā Timoti Kāretu rātou ko Briar-Grace Smith ko Michael Bennett ko JP Pomare ētehi o ngā kaituhi rongonui e whai wāhi atu nei.

“Ko te ngako o tā mātou i whakarite ai kia whakamānawatia i ngā kaituhituhi o mua, o naianei hoki, ā, kia whakaihiihi hoki i te hunga e pīrangi ana kia tū hei ringatuhi, ahakoa tamaiti mai, ahakoa pakeke mai. Koia. Kei raro i tērā kaupapa ka pā atu ki ngā momo tuhinga o te ao hou hou nei, ka mutu, e kore mātou e wareware atu ko ā tātou kaitito mōteatea kaituhi waiata he kaituhi hoki rātou.”

Hei te 17 o Hepetema tīmata ai te ahurei.

• Whakarongo ki te uiui katoa i konei.

RELATED NEWS

He mihi ki a Jacinda Ardern Kia rēhita tātou ki te Wā Tuku Reo Māori! He whetū o te ao pukapuka