Listen Now: 
Download AudioNeke atu i te kotahi rau ngā uri o Te Whakatōhea i kautere ki te Pāremata i tērā Taite ki te rongo i te pānuitanga tuatahitanga o te pire e mana ai tā rātou whakataunga kereme.
E ai ki te māngai o te iwi, e ai ki a Te Kahautu Maxwell, i rere ngā roimata o te koa me te mamae i ā rātou e māharahara ana ki ngā uri, kāore i kite i te rā motuhake nei me ngā tūkino hoki a te karauna ki runga i te iwi i ngā tau kotahi rau e rima tekau mā waru tau kua hori.
“He rā tangi, he rā koa, he rā whakakotahi a Te Whakatōhea. He nui ōna mata, ngā mata o tērā rā, i te mea ia tangata i tae ake ki reira he wāhanga ō rātou i whakapau kaha ratou i haere rātou ki te kawe i o rātou mema i o rātou whānau kua riro ki te te pō. Nō reira, he nui ngā kaupapa me ngā take rerekē o ia tangata i tae ake ki te pānuitanga tuatahitanga o te pire o Te Whakatōhea ki roto i te Pāremata.”
Kua tukua te pire ki te Komiti Take Māori, ā, ka tonoa e te komiti nei ngā tuku tae noa ki te paunga o Oketopa.
RELATED NEWS
