Listen Now: 
Download AudioNā te Māori, mō te Māori, mā te Māori e whakaputa. Koia nei te wairua o te hui ahurei a Kōanga e tū mai nei ā tērā marama ki te whare tapere o Te Pou i Tāmaki Makaurau.
E ai ki te māngai mō te kaupapa, a Maioha Allen, mā ngā kaituhi tokorima ā rātou whakaari hou e pānui tūmatanui mō te wā tuatahi. Tāpiri atu ki tērā, ka pānuitia hoki te whakaari rongonui Rōmeo rāua ko Hurieta nā Te Haumihiata Mason i whakamāori. Hei tā Allen anō, he hākari te ahurei nei mā ngā tāngata e ngākaunui ana ki ngā pūrākau Māori.
“Ko te tino whāinga o Kōanga he whakakotahi i ngā kaiwhakaputa whakaari, ngā kaiwhakaari, ngā pūrākau me ngā pakiwaitara nā te Māori anō i tuhi, mō te Māori, mā te Māori tonu e whakaputa.”
Ā te 15 o Hepetema tuwhera ai te ahurei. Mō te roanga ake, tirohia te pae tukutuku tepoutheatre.nz
- Whakarongo ki te uiui katoa ki konei.
RELATED NEWS
