Listen Now: 
August 15, 2023
Ko tēnei te Koroneihana tuangahuru mā whitu mō Kiingi Tuheitia
Pohaturoa Waenga
Posted On August 15, 2023
Download AudioKua tīmata kētia ngā hōtaka mō te Koroneihana 2023, a, inārua wiki tū ai te hahau pōro, te maita hoki koia ētahi o ngā āpitihanga kaupapa e whakahaerehia ana e Te Kiingitanga i mua pū i te whakanuitanga o te ‘Koroneihana’ 2023.
Hai tā te Hekeretari mō Kiingi Tuuheitia hai tā Ngira Simmonds mō te taha ki ngā mahi whakarite i te Koroneihana he mahi tērā i heke mai i te reanga kaumātua ki te reanga mātua ki te reanga tamariki ki te reanga mokopuna haere ake nei, he mahi tō tēnā iwi tō tēnā hapū tō tēnā whānau.
“Ko ngā mahi o roto o Ngāti Hauā ko rātou te hunga e kimi ana i te huka me te pata mō te Koroneihana, ko tā ngā rangatira o aua marae haere ki tērā whare haere ki tērā whare kimi i te pata me te huka kia tōtōia mai ki runga o Tūrangawaewae”
