He inoi mō te kahu kiwi

Waatea Team Glenis Philip-Barbara

Download Audio

He haepapa nui tō te iwi nānā te kahu kiwi i hoko mā te hoko kairapu i tērā wiki kia whakahoahoa te kākahu rā ki te motu whānui.

Koia nei te kī a te kaiwhakahaere tuarua o Te Manatū Taonga, ki a Glenis Philip-Barbara, whai muri i te hoko o te kahu tino tawhito nei mō te 70,000 tāra neke atu, whai muri i ana hokinga mai i Ahitereiria. He iwi te kaihoko, heoi kāore anō kia whakaingoatia.

Hei tā Philip-Barbara, he akoranga kei roto i te kahu kiwi mā tātou katoa. “Ko tā mātou inoi ki te kaitiaki o te taonga e pēnei ana: me āta whakaarohia tōna wāriu whānui ake i te āhuatanga o te taonga kei tō kainga, kei tō whare rānei. Ko te tino wawata ka taea tonu te hapori whānui te hono atu ki ngā kōrero mō tēnei kahu kiwi.”

RELATED NEWS

Prime Minister arrives in Whakatane to speak with tribal leaders Shares Plus – ‘It Was All For Nothing’ He koha mā ngā mōrehu o Loafers Lodge