Listen Now: 
August 01, 2023
Kua whakahē te whakamāori ā-atamai hangahanga
Waatea Team
Posted On August 1, 2023
Download AudioE korekore rawa a Ngā Uri o Hau e whakaāe kia whakamahia te atamai hangahanga, arā AI, ki te whakamāori i te mahere ā-tau a Te Kaunihera ā-Rohe o Kaipara.
Koia nei te kī a Reno Skipper, māngai mō te iwi, tumuaki kura kaupapa Māori hoki, whai muri i te rongo e hiahia ana te koromatua o te kaunihera, a Craig Jepson, kia whakamahia te atamai hangahanga ki te whakamāori i te pepa ōkawa nei, ko te penapena pūtea te take.
E ai ki a Skipper, kāore i te tika tā te atamai hangahanga whakamāori, tāpiri atu ki tērā, tē taea e te hangarau te mita o te rohe te kawe. “Ko tāku, kāore rawa au i te whakaāe, kāore rawa au i te whakaāe. Engari i rongo kōrero hoki au, koinā tana hiahia, e hiahia ana ia ki te tiaki pūtea, ā, mā te rorohiko e whakamāori i ēnei kōrero. Nō reira, ki a au, me homai tēnei puka ki te iwi. Mā te iwi, mā te hapū nei e whakamāori ki te reo o te kāinga.”
RELATED NEWS
