Listen Now: 
Download AudioKua kore ngā iwi o Te Korowai o Wainuiārua e noho hei kaimātakitaki noa iho i tō rātou anō whenua. Koia nei te kī a Chris McKenzie, māngai mō Te Korowai, whai muri i te hainatanga o tana whakaāetanga whakataunga ki te karauna i Raetihi Marae i tērā Hātarei.
Nā te whakataunga nei, kua whiwhi ngā iwi o Ngāti Tamahaki, Ngāti Tamakana me Ngāti Uenuku i te $28 miriona tāra hei whakaoranga mō te iwi mō ō rātou whenua mai i Whanganui ki te Papa Tāpui-ā-Motu.
Hei tā McKenzie anō, ko te mea nui rawa ko te whai anō i tō rātou ake tino rangatiratanga, hei painga mō ngā uri whakaheke.
“Mai rā anō, kua noho hei kaimātakitaki i ngā nekenekehanga i runga i te whenua. I wēnei o ngā rā, ka taea e tātou te noho hei mana whenua, kia taea e tātou, me kī, te whakakapi, me kī, ngā kōrero noho ki runga i ngā tēpu, ka taea e tātou te kite i ngā huarahi i roto o a tātou nei mahi mō ā tātou tamariki, mokopuna.”
RELATED NEWS
