Listen Now: 
June 27, 2023
Waipukehia te whenua, whatungarongaro te tangata
Waatea Team
Posted On June 27, 2023
Download AudioWaipukehia te whenua, whatungarongaro te tangata.
Ahakoa te pōuri o te whakaaro kia hūnuku taone, koia tētahi o ngā tino pātai kei mua i ētahi o ngā kainoho i te Tairāwhiti, nā te nui o ngā āwha karapipiti ka takahi haere i te takiwā.
Koia nei te ki a Wayne Ngata, kainoho ki Ūawa, whai muri i te tū ohotata anō o tō rātou takiwā i te mutunga wiki kua taha ake nei.
Hei tā Ngata, he nui atu ngā wāhi e haumaru ai te noho o tana whānau, ki konei, ki tāwahi anō hoki.
Hei tāna anō, “Tērā ētahi o ō mātou karangatanga, whanaunga e whai whakaaro ana me noho tonu rānei ki te kāinga, me haere rānei, me wehe rānei. Nā reira, koia nei au e māharahara nei. Arā ētahi atu wāhi i Aotearoa, i Ahitereiria rānei, e whea ake rānei, pai ake ai te noho. Nā reira mehemea ka pēnā te whakaaro o ētahi, ka ngaro te tangata i tēnei kāinga o mātou.”
RELATED NEWS
