He kaupapa here hōu tā te Pāti Kākāriki hei poapoa i ngā kaipōti

Kua whakapūtaina e te Pāti Kākāriki tā rātou kaupapa here hōu hei patipati i ngā kaipōti mō te kōwhiringa pōti ā-motu ka tū ā ngā marama e whā kei mua i te aroaro.

E ai ki te kaitono o te Pāti Kākāriki ki Te Tai Tokerau ki a Hūhana Lyndon, mā te Income Guarantee e māmā ake ai ngā mahi o ia rā.

E mea ana a Lyndon, “Pēnei i a mātou i Te Tai Tokerau, ko te nui o te utu mō te iti whare, me kī anō, mō te penehīni mō te motokā, te haerenga tamariki ki te kura, me te whāngai i te whānau i te whare, ā, kua nui te piki me kī, te utu o te ora o te tangata, ko tēnei kaupapa here hei koha kia tātou katoa kia māmā ake te huarahi mō ā tātou whānau.”

Engari he aha i pēnei ai te noho a te tangata? E ai ki a Lyndon “E pā ana ki te oranga tonutanga o tātou te iwi Māori me kī, me te hapori katoa, roa tātou e noho pōhara ana, e ngoikore ana, ki roto i ngā hapori, ki roto i ngā kāinga anō hoki.

Nō reira ko te whakaaro o te Pāti Kākāriki mā tēnei mahere hōu e hora ai he hua, “Mai i tēnei kaupapa here hōu, o tēnei rōpū tōrangapū o tātou, te Rōpū Kākāriki. Ka whai pūtea ki roto i te pūkoro anō, kia whai hua o tātau iwi. Kia piki te ora ki roto i te whānau me kī, ki roto i te hapori.”

Tēnā, whakarongo ki te uiui katoa ki konei.

RELATED NEWS

Ka kite i te rerenga kētanga ō ngā ahurea, ō ngā iwi Ka maumahara i te patunga ō te riri Ka tae atu ngā Tātarakihi ki te awa Tupua