Listen Now: 
Download AudioI riro te nuinga, o ā tātou taonga Māori tawhito, nō ngā rautau, ngahuru mā iwa, ngāhuru mā waru rānei, ki ngā whare taonga o rāwāhi, kia noho ki ngā kohinga taonga tūmatawhāiti, tūmatawhānui rānei.
Nōna tata nei i hoki mai he tira ā-haere nō Te Papa Tongarewa, ko Karanga Aotearoa, me tā rātou kaupapa, he whakahoki mai ki Aotearoa, ngā kōiwi tūpuna, e 64 tangata mea te maha. He wheua kei roto, he moko mōkai kei roto, he tīrou hoki kei roto, ināianei, mā Te Papa, ēnei taonga e tiaki.
Ko tētahi o taua tira ā-haere ko Paraone Gloyne o Karanga Aotearoa, i haere hei kawe atu i ō tātou tikanga ki runga i ēnei tūpuna kua roa nei e noho ana ki Tiamani.
Anei rā ōnā whakamahuki mō te haerenga ki Tiamani.
