Listen Now: 
Download AudioMā ngā wheako pai i te kura e ārai ai te rangatahi Māori i te huri ki ngā mahi hara. Koia nei te whakapono o Tākuta Will Flavell, kaiako haikura o mua, kairangahau anō hoki.
Kātahi anō ka puta ki te ao ngā hua o tā Flavell rangahau tohu paerua, ko te kai o roto ko ngā kōrero ā ētehi tauira Māori tokorima me ā rātou wheako ki te kura i mua i tā rātou uru ki i te pūnaha ture. E ai ki a Flavell, ki te kore ngā tuakiri Māori o ngā tauira e tautokohia, ki te kore he hononga pai ki ō rātou kaiako e tuia, he nui ake pea te tūraru ka huri ngā rangatahi ki te ao hara.
“He maha ngā kaupapa i kōrerotia e ngā rangatahi o taku rangahau. Tuatahi, te hononga o ngā rangatahi ki ō rātou kaiako. Tuarua, i kōrero ngā ākonga mō tō rātou aroha ki te reo Māori, kapa haka me te ao Māori. He pai ngā wheako o ngā ākonga ki te ako i te kapa haka, me te pai o te whanaungatanga ki ō rātou kaiako reo Māori.”
RELATED NEWS
