June 01, 2023
Ko ngā nekehanga o ngā rārangi pōti
He nui ake te hunga e huri ana ki te rārangi poti Maori, i ērā o ngā hunga ki ngā rārangi pōti auraki.
Koia te whakatau a tō matou māngai mai i te tari Kaitiaki Take Kōwhiri a Hone Mathews. Hei tāna, o ngā tāngata katoa kua huri i tō rātou rārangi pōti, tona 55% kua huri mai ki te rārangi Maori.
Hei tāna anō, “E ai ki ngā tatauranga, inanahi tonu nei, koni atu i te 26,000 tāngata kua pā mai ki te rēhita, ki te whakahou i ō rātou nā taipitopito, ki te whakawhiti rārangi rānei. Koni atu i te 10,000 tāngata kua whakawhiti rārangi. Neke atu i 5,400 tāngata kua huri ki te rārangi Māori. Neke atu i te 4,600 tāngata kua huri ki te rārangi auraki nā.”