Kua eke Tangaroa a Awanuiārangi: Te Mana Tohu Mātauranga

Waatea Team Wiremu Doherty

Download Audio

Kua eke panuku, kua eke Tangaroa. Koia nei te kī o te Mana Tohu Mātauranga o Aotearoa mō te mahi a Te Whare Wānanga o Awanuiārangi i tana arotake ōkawa kātahi anō ka puta.

E ai ki te arotake, kei te angitū te whare wānanga ki te whakatangata i te mātauranga Māori ki roto i ana tauira me te hoatu ki a rātou ngā pūkenga hei whakakotahi i ngā iwi o Aotearoa.

E ai ki te tumu whakarae o te wānanga, a Wiremu a Doherty, “Ko te mīharo i tō rātou taehanga mai ki te titiro i ngā mahi, kāore i kitea e rātou he wāhi e memeha ana i roto o ā rātou mahi. Ngā wāhanga katoa e tirohia e rātou, kāore he raruraru i kitea iho. Kei te mīharo au ki ngā kaimahi o Awanuiārangi kua roa nei mātou e kakari nei ki te tutuki rā i ngā taha, me kī, ngā taha ture mai i te Mana Tohu.”

RELATED NEWS

He oranga ano mo te whare tautoko Te whakataetae whai kīngi-ā-mōtu ō Aotearoa Ko te pukapuka te whetu piata ō ngā tohu toa