May 31, 2023
Ka whakamāoritia te kiriata Encanto: Matewa Media
Kua whakatauhia e Matewa Media ka whakamāorihia e rātou te kiriata tamariki a Encanto hei āpiti atu ki āna kohinga kiriata Māori, pēnei i te Kīngi Raiona me Moana.
Ko Encanto te toa whakaihuwaka mō ngā kiriata tamariki ki ngā tohu Oscars i tērā tau, ā, hei tā tētahi o ngā kaiwhakahaere o Matewa Media, hei tā Tweedie Waititi, ko te reo ka rāngona ki tēnei kiriata ko te reo whānui.
Hei tā Waititi, “Āe he maha ngā momo iwi, me kī, ngā momo hapū, ngā momo hapori ki roto i taua kiriata rā nō reira kua āhua whānui ake te tirohanga i tēnei wā, kāore anō kia tāpiri tētahi mita ki taua kiriata, ā, he mea mīharo katoa au ki tērā whakaaro, kia whānui ake te whakaaro, ka whānui ake te reo. ”
Ka tīmata ngā mahi whakangungu kiripuaki hei ngā marama e tū mai nei.