May 24, 2023
Ka peka te Tumuaki hou ki Taranaki
Ā te Hātarei e heke mai nei, ka tū ngā hui ōkawa tuatahi a te tumuaki hōu o Te Hāhi Rātana, a Manuao Te Kohamutunga Tamou.
E ai ki te Āpotoro Rēhita mō te takiwā o Rangitīkei, e ai ki a James Makowharemahihi, hei te rā kotahi, ka pōwhiritia te tumuaki e āna mōrehu o runga o Taranaki, ki roto o Ngā Rauru ki ngā marae o Te Aroha, o Kai Iwi, o Tauranga Ika, o Nukumaru, o Wai-o-Turi anō hoki ki Pātea.
Hei tā Makowharemahihi, ko te whāinga o te rā kia tukua e te tumuaki tana mihi aroha ki ngā mōrehu nāna ia i whakamana.
“Kei te mōhio au ki tana kōrero ki a mātou i runga i te aroha, tana aroha ki a mātou ngā mōrehu. Koina te korero nā tana ngākau ki te motu, kei te tini aroha a ia ki a mātou ki te āwhinahia ki a mātou nei mōrehu i roto i ā mātou nei whakapono i roto i a mātou nei rātou ngākau mā te kaihanga.”