May 17, 2023
Mā te huruhuru e pupuri ai ngā kaiako: Hōhepa Campbell
He maha ngā whakaaro mō te tahua pūtea ka pānuitia āpōpō. Ko ngā whakaaro o Te Rūnanganui o Ngā Kura Kaupapa Māori, me nui ake te whiwhinga pūtea ki ngā kaiako.
Hei tā te kaitakawaenga a te rūnanganui, hei tā Hōhepa Campbell, he maha hoki ngā kaiako reo Māori kua huri ki ngā tari a te kāwanatanga mahi ai i te mea tonu he pai ake te pūtea.
“Kia nui ake ai te pūtea, hei pupuri i ngā kaiako, he mātanga ngā kaiako kōrero i te reo Māori, matatau ki ngā tikanga Māori, i roto i ngā kura kaupapa Māori. Kei te kaha naianei ngā tari kāwanatanga ki te tono ki ērā o ngā kaiako kia hūnuku rātou, kia puta atu ērā kaiako i ngā kura me te whai mahi ki roto i ngā tari kāwanatanga.”