April 12, 2023
Waiho te rongoā Māori ki waho atu i te Pire Therapeutic Products: Te Rarawa
Me waiho ngā rongoā Māori me ērā āhuatanga katoa i ahu mai i ngā atua Māori ki waho atu i te pire Therapeutic Products. Koia nei te ngako o te tono i tuku a Te Rarawa ki te Kāwanatanga ki tana pire whakariterite i ngā matū hauora o Aotearoa.
E ai ki te Pou Whakahaere o te tarati a Rarawa Anga Mua, e ia ki a George Riley, ahakoa kāore te kupu rongoā e tuhia ana ki te pire, ka pā te pire nei ki ētehi o ngā matū ki roto i ngā tupu rongoā.
Hei tā Riley ano, kei te kereme Wai 262 ngā korero nei e kōrerohia ana, nā reira he tika ake kia tatari te kāwana kia tau rānō te kerēme rā.
“Me mihi mātou ki te karauna e hiahia ana kia whakatikatika ai ēnei o ngā mea. Engari ko tā mātou kōrero i tēnei wā, kia taihoa tā rātou mahi i tēnei mahi tae noa atu ki te Whakapūmau Tangata, ā, Te Taumata Whakapūmau, kia kōrerotia ki te iwi Māori puta noa i te motu ngā āhuatanga WAI 262 e pā ana ki tā mātou whānau.”