April 04, 2023
He tohu hōnore mā Ross Calman
Kua whakawhiwhia a Ross Calman nō Ngāti Toa tētehi tohu kairangi hōnore e tana whare wānanga o mua, e Te Whare Wānanga o Waitaha, mō tana mahi hei kaiwhakamāori, hei kaituhi pukapuka Māori hoki i roto i ngā tau 20 neke atu.
He uri a Calman o te rangatira a Ngāti Toa, a Te Rauparaha, ā, ko tētehi o tā Calman pukapuka e mōhiotia whānuitia ana ko te whakapākehātanga o tētehi pukapuka mō Te Rauparaha, He Pukapuka Tātaku i ngā Mahi a Te Rauparaha Nui. Heoi, e ai ki a Calman, i te wā tuatahi i kite ai ia te tuhinga taketake o taua pukapuka, he rangatahi ia, ā, he kūare i te reo Māori.
Hei tā Calman, “Ko te kitenga tuatahi ki tēnā tuhinga … i roto katoa i te reo Māori, ka whakaaro ahau, ‘E hika! Tēnei te kōrero pono mō tōku tūpuna, engari kāore i taea e au te mārama i te kōrero.’ Nō reira, i whakatau i roto i ahau, ‘me ako i tōku reo Māori kia mōhio he aha ngā hua i roto i taua pukapuka’.”