April 04, 2023
He tirohanga nō Tūhoe ki Ōrākau
Kua rewa tētehi pukapuka e kōrerohia nei ngā ūri nō Tūhoe, tōna 20 te rahi, i tautoko ā-tinana i Te Kīngitanga ki te pakanga ki Ōrākau i te tau 1864.
E ai ki te kaituhi, e ai ki a Tā Pou Temara, ahakoa he nui ngā kōrero mō Ōrākau, kāore i rangona te mahi a ngā tāne me ngā wāhine nō Ruatāhuna i tautoko i te whawhai a Rewi Maniapoto ki ngā hoia o te Kuīni. Heoi, i tana pukapuka, Te Rautakitahi o Tūhoe ki Ōrākau, kātahi anō ka rangona ngā kōrero tuku iho mō rātou.
Hei tā Temara, “Ka whakaaro au kua tae ki te wā hei whakarongotanga, hei kōrerotanga hoki i te reo o ngā wāhine, tāne, rangatira i haere ki Ōrākau i te mea ko taku tipuna ko Te Whenuanui te rangatira i taki a Ngāi Tūhoe ki Ōrākau. Ka whakaaro ahau, māku e tuhi.”