March 23, 2023
Mokohia te petihana mō te mahi kaikiri a Julian Batchelor: Jones
Kua whakarewatia tētehi pētihana e te kaikaunihera Māori o Kaipara, e Ihapera Paniora, e porotēhi ana i te kaupapa kaikiri a Julian Batchelor, arā, te Stop Co-Governance Tour. E ai ki te pōtae roia o Paniora, he wāwāhi te mahi a Batchelor i te Ture Mōtika Tangata 1993 me te Kāwenata Tika Tangata, ā, e hiahia ana ia kia aronui te Roia Matua, a David Parker, ki te take.
Kei te kaha tautoko te kaikaunihera Māori o te Kaunihera ā-Rohe o te Tai Tokerau, a Peter-Lucas Jones, i te petihana, ā, e akiaki ana i te tini me te mano kia mokohia.
“Ko te mate kē, kei muri iho i ēnei mahi [a Batchelor] ko tētahi whakaaro tino kino, arā, te whakaiti i te āhua o ngā mahi a ngāi tātou te iwi Māori ki te whakatupu i te pai, ki te whakatupu i te mana ōrite, ki te whakatupu i te mātauranga e pā ana ki ngā tika a ngā iwi, a ngā hapū, a ngā whānau hoki. Nā reira, e tautoko ana ahau i te tū a Ihapera nā te mea he kaupapa nui tāna.”
Kei te pae tukutuku change.org te petihana e noho ana.