Listen Now: 
Download AudioNeke atu i te kotahi mano ngā whetu ka kohia ki tētahi taupānga hou, hei manaaki i te hunga e hiakai ana ki te rutu ki te rētōtanga o te kaupapa whetū me ana ingoa Māori.
Koia te kōrero a tōna kaiwhakaputa, mātanga whetū, a Tākuta Rangi Matamua. Hei tāna, he nui hoki ngā kōrero ka hāngai atu ki ia whetū.
“Ko ngā ingoa whetū kei āu tata ki te kotahi mano, ko ngā kāhui whetū neke atu i te kotahi rau. Nō reira he nui, he nui ngā ingoa me ngā kōrero. Mō ia whetū, ia whetū he kōrero āna e hāngai ana ki tētahi āhuatanga o te taiao. He kōrero, he pūrākau ētahi, he ātua ētahi, he tipua ētahi. Nō reira, kei te kōrero mō ngā whetū pēnei i a Atutahi, i a Rehua, i a Takurua, i a Mahuru, i a Kōpū. He nui, he nui nga whetū.”
Hei tā Matamua, kua tuku te tono atu hei whai pūtea ki te Manatū Taonga kia whakaputa ai te taonga nei, ā, ki te eke, hei te takiwā o te kotahi tau e kite ai ōna hua.
RELATED NEWS
