March 22, 2023
Ko te taiao te take: Ngā Kākāriki
I whakatūngia te kauhau ōkawa a ngā Kākāriki i te mutunga wiki kua hipa, ā, i whakawahaina ā rātou kaupapa here, me ā rātou kaupapa matua e ngā kaiarataki o te pāti e Marama Davidson rāua ko James Shaw.
Hei tā te mema Pāremata a nga Kākāriki, hei tā Te Anau Tuiono, ko te mea nui ki a rātou, ko te āhuatanga o te ao e ora nei tātou katoa. Hei tā Tuiono anō, “I kōrero mātou mō the state of the planet. Ko ērā atu o ngā pāti tōrangapū e mea atu ko the state of the nation. Engari mātou, ngā Kākāriki, me whakaaro tātou ki te katoa o te ao, te horopaki o te ao, o tana taiao me ōna piringa ki a tātou te tangata.
“Nō reira, ko tērā te pūtake o tērā o ngā whakataunga nā mātou. I kōrerohia ō mātou nei kaiwhakahaere, ō mātou nei rangatira e pā ana ki ō mātou nei whakatau mō tēnei tau pōtitanga … te mea i mua. Kua mohio kē tātou ko tēnei tau he tau i tino rangona ngā pōraru o te āhuaranga, nō reira ko tērā kaupapa kei mua i te aroaro o tātou katoa.”