March 22, 2023
Kaiwhakawā Alana Thomas: Kua tūturu!
Kua kopoua ōkawatia a Alana Thomas o Ngāpuhi hei kaiwhakawā ki te Kōti Whenua Māori.
Nō te ata tonu nei whakatauhia ai tana tūranga hou e te Minita Whanake Māori, e Willie Jackson. Hei tāna, he toa whawhai a Thomas mā ngā take Māori i te ture.
Hei tā te kaiwhakawā hou, hei tā Alana Thomas, e hari ana ia mō tana iwi, me te mea nei kua neke atu i te kotahi rau rima tekau tau kia tū tētahi o ōna uri ki tēnei tūranga.
Hei tā Thomas, “E whakaaro ana mō ngā iwi katoa o te iwi Māori, engari ko tōku iwi o Ngāpuhi, ko te kaiwhakawā whakamutunga nō roto mai i te iwi o Ngāpuhi i tū i te tau 1865. Ko Hone Mohi Tāwhai tērā, mai i taua wā rā, kāore anō mātou/tātou kia kite i tētahi Ngāpuhi, ā, ka noho ki runga i te pae o te kaiwhakawā ki roto i te Kōti Whenua Māori.”
Whakarongo ki te uiui katoa ki konei.