Listen Now: 
Download AudioI tua i te haka, he aha te mea nui o tēnei ao? Ko te tangata!
Koia te kōrero a Oriini Kaipara, kaihaka o Ngā Tūmanako, ki te poari o Te Matatini whai muri i te putanga o tā rātou pānui e mea ana ka kōkiri tonu te kaupapa ki Tāmaki Makaurau ā tērā wiki.
Hei tā Kaipara, i taka ā-roto i te nui a parekura kua pā ki te motu, ā, e mātāmua ana ōna whakaaro ki ngā whānau kua pākinotia.
I kī anō a Kaipara, ko ā tātou atua ēnei e kōrero mai ana ki a mātou: Taihoa.
“Ko ō tātou tikanga ēnei, nē? Ko ngā atua ēnei e kōrero mai ana, e pakanga nui ana i ēnei rā e rua nei. Ka noho kūare tātou ki ērā ākina, nē, ki ēnā tohu nui e kī ana, ā, taihoa mō tēnei wā. Koirā noa iho tāku. Taihoa te kaupapa mō tēnei wā. Me aro kē, me whiu kē ō tatou mata ki ō tātou whanaunga e raru nui ana.”
RELATED NEWS
