January 31, 2023
Kanohi-ki-te-kanohi te hua mō Te Reo Tukutuku
Ko ngā wānanga kanohi-ki-te-kanohi ki ngā kaitono pūtea he hua nui i puta i te tipi haere o Te Reo Tukutuku i te motu i ngā wiki kua tata. Koia nei te kī a Brenda Soutar, heamana o te rōpū, he wāhanga tērā nō Te Mātāwai.
Ko tā Te Reo Tukutuku he tuku pūtea hei hāpai i ngā kaupapa whakarauora i te reo Māori mā ngā hapori, mā te hunga noho tāone, mā te ao pāpāho me te ao whai mātauranga.
I haere ngā mema o Te Reo Tukutuku ki Tāmaki Makaurau, Kirikiriroa, Ōtautahi me Te Whanganui a Tara ki te tūtaki ki te hunga e hiahia ana ki te whai wāhi atu ki te kaupapa nei. Kei te tuwhera te wā tono tae noa ki te rua tekau mā waru o Pepuere.