January 25, 2023
Kāore te pā o Rātana te wāhi ki te karanga atu ki ngā kakī whero: Davidson
I tino hē te tumu whakarae o te Pāti Nāhinara, a Chris Luxon, ki te karanga atu ki ngā kakī whero ki ana kōrero tuatahi ki Rātana Pā inanahi. Koia nei te kī a te upoko takirua o te Pāti Kākāriki, ki a Marama Davidson.
I kī a Luxon ka whakapono tana pāti ki te mahi tahi ki te iwi Māori – heoi, ka pērā i runga anō i ngā here e whakatakotohia nei e Nāhinara. Waihoki, ahakoa e pai ana ki a ia kia tukua te whakahaere o ētehi ratonga ā-hapori ki te iwi, ka whakahē ia i te whakahaere ngātahi a te Māori me tauiwi i ngā ratonga ā-kāwanatanga, arā, co-governance.
E ai ki a Davidson, kāore te pā o Rātana Pā wāhi ki te kōrero pērā.