November 03, 2022
Mā te mārama ka mātau
Mā te whakatau ka mōhio, mā te mōhio ka mārama, mā te mārama ka mātau.
Koirā te wairua o tētehi pukapuka hou kua tuhia hei whakaako i ngā tumuaki tauiwi ki te whakamāramatanga o te ngākau Māori.
Ko Te Whare Tapu o te Ngākau Māori te taitara o te pukapuka, ā, he kohinga kōrero nā te rōpu o Te Arahou. Koia rā tētehi kāhui o ngā mātanga whakaaako Māori me ngā tumuaki tauiwi o ngā kura auraki e 438 huri noa i te motu.
Otirā ko tā rātou he mahi ngātahi ki te hāpai i te tirohanga tikanga rua ki aua kura. E ai ki a Damon Ritai, Te Kauhoe Mātauranga o Te Arahou, ka mahi tahi te tumuaki me te kaimahi o Te Arahou, ki te whai i te mahere kei roto i te pukapuka kia kite te tumuaki i tana ake ara hei whakatupu i te mana ōrite ki tana kura.
Mō te roanga ake, tirohia www.mac.ac.nz.