August 16, 2022
Pānui Pāpāho: Kua huri te tai !
PĀNUI PĀPĀHO –KUA HURI TE TAI!
THE TIDE HAS TURNED!
Ko Ngāti Kahungunu Iwi Inc. ka whakatū i tana Hui Whakarauora Reo Māori tuarima, i Te Reo Ki Tua!
Ko Ngāti Kahungunu Iwi Inc. e hiamo ana ki te pōhiri anō i te motu ki “Te Reo ki Tua! Hui Whakarauora Reo Māori ā-Motu” tuarima, ka tū hei te Taite te 22, me te Paraire te 23 o Hepetema ki Clubs Hastings, Albert Tiriti, Heretaunga.
Ko te kaupapa ka whakakite i ngā mātanga reo o te motu kua whakapau kaha i ngā tau huhua kua pahure ki te whakarauora i te reo taketake o Aotearoa, i tata korehāhā i ngā rohe tini i ngā tau nohinohi o te 1900. Ko te hui taumata nei ka whakaatu i ngā tāngata rongonui maha, i tipu ki te reo, i ako rānei i te reo, kua whai umanga angitū i tēnei ao.
Ko te whāinga mō te hui nei ko te hora i ngā mōhiotanga mō te āhua o te reo i tēnei wā tonu, me te whakakipakipa i ngā toa reo hei whakakipakipa i ētahi atu ki te ako, ki te whakamahi me te whakarauora i te reo. Ko ngā kaikōrero kanorau ka whakakōrero i ngā āhuatanga katoa o te whakarauora reo, te whakamahere reo, iti mai, rahi mai hoki, te kapa haka, te marae, te pāpāho, ngā toi, ngā huarahi whakaako, te reo ruatanga ki roto i ngā hapori, te whakatipu tamariki i tētahi taiao reo Māori anake, te porotū mō te reo, me te tuhituhi.
Ko te hui nei mā te katoa e hiahia ana ki te whakarongo ki ngā huarahi auaha hei ako i te reo, hei whakakounga i te reo, hei whakatairanga i te reo, hei whakamau hoki ki te pae tawhiti o te whakatipu tamariki reo Māori. Ko tā te hui taumata nei he whakakipakipa i ngā kaiwhakaoreore me ngā kaiwhakangāueue puta noa i te motu. Ka wātea i te hui tētahi ratonga whakapākehātanga mataroa kia mārama ai ngā karere ki te minenga katoa.
Ko te kaupapa o te hui taumata i te tau nei ko: “Kua huri te tai! – The tide has turned”. Ko te hui taumata ka whakakite i ngā mātanga e para ana i te huarahi i te kauhanga nei. Ko tā te hui taumata nei he whakakipakipa i ngā toa o te reo mā te whakarongo ki ngā uauatanga me ngā taumahatanga i tūwhitia e ērā kei tēnei ao o te whakarauora reo, mā te whakaatu hoki i ō rātau huarahi auaha e aro nei ki te oranga tonutanga o te reo.
Ko te wawata mā te hui taumata nei e whakakipakipa ētahi atu ki te pakanga tonu kia ora ai te reo, me te manako nui kia puta ai he tauā whakarauora reo Māori ki te ao.
Ko te hui taumata nei ka whakakite i ngā toa whakahirahira o te reo kei raro iho nei:
• Tweedie Waititi
• Pere Wihongi
• Te Nūtube (Atareta Milne & Te Hākura Ihimaera-Manley)
• Francis & Kaiora Tipene (The Casketeers)
• Quinton & Makareta Hita
• Hilda Harawira
• Hinematawaia Vercoe
• Wikatana Popata & Rangimarie Pomare
• Dr Poia Rewi (Te Mātāwai)
• Te Tūmatakuru O’Connell (Te Taura Whiri)
• Kim Robinson (Deaf Action New Zealand)
• Bernie O’Donnell & Reikura Kahi (Te Mātāwai)
• Donny Te Kanapu Anasta
• Leo Watson
• Hona Black
• Hēmi Kelly
• Ngarimu Parata
• Te Ataakura, Te Aorere & Apirana Pewhairangi
• Dr Kārena Kelly
• Penetaui Kleskovic
• Rhonda Tibble
• Mataia Keepa
• Ngarimu Parata
• Dr. Rawinia Higgins
• Matai Smith
• Tukiterangi & Renata Curtis
• Te Kuru Dewes
Kia mōhio mai, he utu kore tēnei hui. Me rēhita tō hiahia ki https://www.kahungunu.iwi.nz/te-reo-symposium ki (06) 876 2718 rānei.
Nau mai! Haere mai! Karawhiti mai, e te motu!
He mea whakatū te hui nei nā:
• Ngāti Kahungunu Iwi Incorporated
• Te Mātāwai
• Te Taura Whiri i Te Reo Māori
• Te Whare Takiura o Te Aho a Māui (EIT)
• Te Whatu Ora – Te Matau a Māui
• Irirangi Kahungunu
• Te Kaunihera ā-Rohe o Heretaunga
• Te Hauora o Te Matau a Māui
• Kauwaka